Í dag var opnað fyrir Smartnetstengingar á Þingeyri. Upprunalega átti að opna fyrir þjónustunna sl. haust en vegna tafa á afgreiðslu stofnsambands á Þingeyri varð ekki úr fyrr en nú. Með Smartnetinu býðst Þingeyringum nú allt að 70 Mbit/s Internetttenging og einnig sjónvarpsþjónusta á myndlyklum frá Vodafone. Er Smartnet þar með í boði í öllum þéttbýliskjörnum í Ísafjarðarbæ utan Holtahverfis en í hluta Holtahverfis býður Snerpa upp á þjónustu um Ljósnetið. Í undirbúningi er að auka frekar útbreiðslu á Ísafirði en nýverið var bætt við búnaði í efribænum á Ísafirði þar sem búnaður sem fyrir var er orðinn fullnýttur.
Smartnet opnað á Þingeyri
↧
↧
Hrafnseyri í netsamband
Nú í vikunni náðust samningar milli Menntamálaráðuneytisins og Snerpu um að Snerpa tengi ljósleiðara á Hrafnseyri og kemst þetta forna höfuðból þá í gott netsamband. Sl. haust tók Snerpa í notkun nýjan ljósleiðara Orkufjarskipta frá Tjaldanesi í Mjólká og nú hafa náðst samningar um að tengja Hrafnseyri inn á þessa nýju leið. Tengingin mun þó ekki komast á fyrr en í maí þar sem panta þarf og leggja ljósleiðara heim á bæjarhlaðið en um 4-6 vikna afgreiðslufrestur er á nauðsynlegu efni hjá birgjum. Það má þó segja að stórum áfanga sé náð með þessu þar sem nú opnast nýir möguleikar á ýmis konar ráðstefnuhaldi og námskeiðum á Hrafnseyri á sumrin en skortur á góðu netsambandi hefur verið vandamál í tengslum við slíkt þar til nú.
↧
Truflanir í neti Vodafone
kl. 14:09 Truflanir eru í samböndum hjá Vodafone á Vestfjörðum. Þetta hefur m.a. þau áhrif að samband við skiptistöð innanlandsumferðar í Tæknigarði (RIX) er sambandslaus við Snerpu. Verið er að kanna umfang truflunar. Hefur allavega áhrif á vefi hjá Advania, sjónvarp yfir IP, útvarps- og sjónvarpsútsendingar og vef hjá RÚV.
kl. 15:26 - Bilun er enn hjá Vodafone en öllum samböndum Snerpu við Reykjavík hefur nú verið beint yfir tenginguna við Símann. Netsambönd á Smartnetinu eru öll komin í lag nema sjónvarpsþjónustan. Þar sem álag á sambandinu um Símann eykst við þetta má búast við einhverjum hnökrum í samböndum einstöku sinnum þar til viðgerð lýkur hjá Vodafone.
Skv. upplýsingum frá Vodafone er um víðtæka bilun að ræða í Búðardal og er ekki búist við að viðgerð ljúki fyrr en um kl. 17.
kl. 16:45 Viðgerð er lokið.
↧
Um 20 þúsund sáu netútsendingu
Um síðustu páska var haldin á Ísafirði, eins og undanfarinn áratug, tónlistarhátiðin Aldrei fór ég suður.
Síðustu ár hefur Snerpa séð um að tengja hátíðina inn á Internetið og hefur í samstarfi við KFÍTV og Símafélagið tekið upp og sent út hátíðina á Netinu. Snerpa lagði í fyrra ljósleiðara í húsið á Grænagarði, þar sem hátíðin er haldin og var því að þessu sinni boðið upp á hágæða útsendingu. Hljóðið í útsendingunni var fengið frá Rás 2 sem tók upp tónleikana og útvegaði Snerpa einnig Rás 2 samband í Efstaleiti til að senda þaðan um allt land í beinni útsendingu.
Vegna mikilla anna hjá Snerpu undanfarið hefur ekki gefist tími fyrr til að greina frá áhorfi á netútsendinguna en alls horfðu 19.573 á útsendinguna á einum eða öðrum tíma þá tvo daga sem hátíðin stóð. Samtals var horft í 6.072 klst. og skiptist áhorfið að mestu svona:
| Land | áhorf | klst. |
|---|---|---|
| Ísland | 17.846 | 5.585 |
| Noregur | 309 | 132 |
| Bandaríkin | 276 | 73 |
| Þýskaland | 221 | 42 |
| Danmörk | 104 | 35 |
| Svíþjóð | 119 | 32 |
| Pólland | 79 | 29 |
| Holland | 63 | 25 |
| Bretland | 139 | 24 |
| Sviss | 48 | 17 |
↧
Borea Adventures opnar nýja síðu
Ferðaþjónustufyrirtækið Borea Adventures tók í gagnið í dag nýja og endurbætta útgáfu af vefsíðunni sinni á boreaadventures.com. Nýja síðan keyrir á Snerpil vefumsjónarkerfinu líkt og sú gamla sem opnuð var árið 2006.
Útlitið á nýju síðunni var hannað af grafíska snillingnum Ágústi Atlasyni sem einmitt starfaði hjá Snerpu til margra ára.
Við óskum Borea Adventures innilega til hamingju með nýju síðuna!
↧
↧
Truflanir á sjónvarpsþjónustu
Orðið hefur vart við truflanir á sjónvarpsþjónustu hjá hluta notenda í efri bæ á Ísafirði.
Á meðan unnið er að viðgerð getur verið truflun á netsambandi en við vonum að hún verði í lágmarki.
Við biðjumst velvirðingar þá þeim óþægindum sem þetta kann að valda.
16:54 - Búið er að komast fyrir sjónvarpstruflanir með bráðabirgðaviðgerð og stefnt er á endalega viðgerð í fyrramálið.
19. júní - 7:21 - Viðgerð lokið og ætti sjónvarp að vera truflanafrítt.
↧
Ný vefmyndavél á Ísafirði
Snerpa hefur komið upp nýrri vefmyndavél í Menntaskólanum á Ísafirði með góðfúslegu leyfi skólans. Er vefmyndavélin á sama stað og fyrsta vefmyndavél Snerpu var staðsett eða í horni bóknámshús MÍ á 2. hæð. Sú vél, sem jafnframt var fyrsta vefmyndavélin á Íslandi, var gangsett 1. janúar 1999 og hlaut gríðargóðar viðtökur.
Útsýnið úr nýju vefmyndavélinni má nálgast hér.
↧
Miðlæg bilun í sjónvarpi Vodafone
Bilun er í miðlægum sjónvarpsbúnaði hjá Vodafone í Reykjavík og unnið er að viðgerð.
Kemur bilunin fram hjá notendum þegar myndlykill er endurræstur og þá nær hann ekki samband við þjónustu.
15:30 - Viðgerð lokið. Þeir sem enn eru í vandræðum ættu að endurræsa búnaðinn hjá sér.
↧
Stutt rof í Tæknigarði
Vegna útskiptingar á vélbúnaði í Tæknigarði munu öll sambönd (innanlands) þar í gegn rofna í stutta stund milli kl. 13:10 og 13:30 í dag en fara um varaleið á meðan. Ekki er búist við að notendur finni fyrir áhrifum.
↧
↧
Verkalýðsfélag Vestfirðinga uppfærir vefsíðu sína
Verkalýðsfélag Vestfirðinga opnaði í dag nýja og uppfærða vefsíðu á verkvest.is. Útlitið á síðunni var allt tekið í gegn og snjallsímavætt auk þess sem veftré síðunnar var einfaldað.
Síðan keyrir að sjálfsögðu á Snerpil Vefumsjónarkerfinu frá Snerpu líkt og eldri síðan sem opnuð var árið 2008.
Við óskum Verkalýðsfélaginu innilega til hamingju með vefsíðuna!
↧
Rof hjá Símanum
kl. 9:35 í morgun varð rof á samböndum hjá Símanum með þeim afleiðingum að við misstum samband við útlandagátt og nokkra viðskiptavini sem tengjast um net Símans. Sambönd eru nú á varaleið og verið er að leita skýringa.
kl. 9:49 Skv. tilkynningu frá Símanum virðist bilunin bundin við Vestfirði og hefur áhrif á netsambönd og farsíma hjá Símanum.
kl. 10:20 Öll sambönd virðast vera komin í lag.
Kl. 10:27 Bilunin kom aftur inn og virðist víðtækari. Útlandasambönd Snerpu eru því enn á varaleið.
kl. 12:13 Míla hefur tilkynnt að varaleið um Ísafjarðar sé komin í gagnið og virðist sem notendur sem tengjast um net Símans seu komir í samband á ný. Útlandagátt Símans er þó enn stopul og er því enn notast við varaleiðir Snerpu um Tæknigarð í Reykjavík.
kl. 13:22 Notendur sem tengjast um net Símans eru enn í óstöðugu sambandi og virðist sem varaleið Símans um Ísafjarðardjúp sé að falla út eða yfirlestuð. Símasambönd (hjá Símanum) eru óvirk.
kl. 14:40 Aðalleið er enn biluð og stendur greining á henni enn yfir. Varaleið Símans um Ísafjarðardjúp er orðin virk en annar illa því álagi sem er og þess vegna eru sum minni sambönd enn niðri, aðalllega heimilistengingar um net Símans og Mílu. Þau verða virkjuð jafnskjótt og komist hefur verið fyrir bilun. Hægt er að ná símasambandi við Snerpu í síma 8404000.
kl. 16:14 BIlun er yfirstaðin og fjarskiptaþjónusta Símans komin í eðlilegan rekstur.
↧
Smartnet opnar í Holtahverfi og Skeiði
Í dag eru starfsmenn Snerpu að ljúka við tengingar á búnaði í Holtahverfi og Skeiði og þá getum við loksins boðið upp á Smartnet með stórauknum afköstum á internetinu ásamt sjónvarpsþjónustu með yfir 100 rásum í samstarfi við Vodafone.
Við þessa viðbót nær Smartnet Snerpu nú til vel yfir 80% heimila í Ísafjarðarbæ og stefnum við að sjálfsögðu á að gera enn betur.
Hægt er að panta Smartnet á heimasíðu okkar smartnet.is/panta/
↧
Truflanir á IPTV 22. september
Á mánudaginn næstkomandi 22/9 verður viðhaldsvinna á Vestfjörðum sem mun valda truflunum á milli 11:00 og 12:00 á IPTV þjónustu Vodafone.
Beðist er velvirðingar á þeim truflunum sem þetta kann að valda.
↧
↧
Magnmælingar og erlent niðurhal
Við hjá Snerpu höfum orðið vör við að það hafi komið fram misskilningur hjá fólki um hvernig gagnamagn er mælt hjá netfyrirtækjum og hvort sé munur á milli þeirra. Einnig hefur fólk verið að velta því fyrir sér hvort um þetta gildi ekki það sama og t.d. vigtun á vöru. Af hverju ekki noti allir sömu mælieininguna og hver passi upp á að rétt sé mælt.
Ágætt er að skoða þróunina frá því nettengingar voru fyrst í boði. T.d. var ekki selt eftir mælingu á meðan eingöngu var hægt að tengjast Internetinu með því að hringja inn með módemi. Ástæðan fyrir því var að það gagnamagn sem hægt var að taka yfir sambandið var hverfandi lítið. Með nýjustu og hraðvirkustu tengingum sem í boði eru er hægt að nota mjög mikið gagnamagn á stuttum tíma og hefur það þau áhrif að kostnaður við að flytja gögnin hækkar mikið. Í stað þess að hækka jafnt á þá sem nota mikið og lítið hafa því netfyritækin tekið upp mælingu og selja tenginguna hærra verði til þeirra sem eru með mikla notkun heldur en til þeirra sem eru með litla notkun.
Erlendis, þar sem notkun er oft seld ómæld, er yfirleitt um að ræða markað með miklum fjölda notenda, jafnvel talinn í milljónum og er þá ástæðan fyrir því að ekki er mælt sú að ekki er lengur hagkvæmt að mæla vegna þess gríðarlega magns af upplýsingum um notkun sem þarf að vinna úr. Er þá aðfangakostnaði deilt jafnt á allar tengingar og þær seldar án mælingar en verð getur þó verið mismunandi eftir því hvort tenging er seld í þéttbýli eða dreifbýli.
Í sumar tilkynnti Síminn um breytta skilmála hjá sér varðandi gagnamælingu, þannig að í stað þess að mæla einungis erlent niðurhal notenda yrði framvegis öll umferð mæld, bæði upp- og niðurhal og einnig innlend umferð. Til þess að koma á móts við notendur yrði síðan innifalið gagnamagn aukið verulega.
Það er hverri netþjónustu í sjálfsvald sett hvort og hvernig þjónustan er seld, þ.e. netþjónustur geta sett eigin skilmála og byggt þá á eigin mælingum. Fram hafa komið áhyggjur, m.a. á Alþingi um hvort rétt sé að leyfa slíkt og þá vitnað til þess að nær allar mælingar við sölu, t.d. þegar seld er vara eftir vigt, eru viðurkenndar sérstaklega af yfirvöldum. Jafnframt er spurt hvers vegna annað ætti að gilda um netþjónustur. Ástæðan fyrir því að löggilda þarf t.d. vogir er sú að vog getur verið van- eða ofstillt og sýni því ekki rétta vikt. Engu slíku er til að dreifa í mælingum netfyrirtækja þar sem mælingin felst einfaldlega í því að telja stafrænt það magn sem fer til eða frá notanda. Ekkert frávik getur verið á þeim mælingum.
Snerpa hefur farið þá leið að láta skilmála fyrir mælingar fara eftir því sem samningar Snerpu við birgja hafa boðið upp á. Þannig náðust á tímabili samningar um aðgang að útlandagátt á ómagnmældri tengingu og var þá boðið upp á ómælt niðurhal. Eftir að þeir samningar fengust ekki endurnýjaðir var ekki um annað að ræða en að bjóða magnmælt Internet og þá einungis að mæla erlent niðurhal en Snerpa þarf ekki að greiða eftir magni fyrir netumferð innanlands þó þurfi að leigja sambönd milli Ísafjarðar og Reykjavíkur undir þá umferð eins og aðra.
Ekki er fyrirséð að kostnaðarmódel Snerpu vegna netumferðar sé að breytast og mun því áfram verða boðið upp á núverandi skilmála, s.s. að eingöngu er mælt erlent niðurhal hjá Snerpu á meðan Síminn mælir alla umferð í báðar áttir.
Þá er komið að samanburði á gagnamagni. Í stuttu máli þá er ekki til neinn marktækur samanburður lengur því að það er undir hverjum og einum komið hvernig hann notar nettengingu sína. Ef t.d. nettengingin er tengd við eftirlitsmyndavél eða annan fjarstýrðan búnað þá segir sig sjálft að ef öll umferð frá notanda er mæld að þá þarf mun meira innifalið gagnamagn en þyrfti ef ekki er mælt gagnamagn frá notanda (upphal).
Ekki er til nein þumalputtaregla um hversu stór hluti meðalnotanda er innlend umferð. T.d. þarf að huga að því hvort netþjónustan býður aðgang að efni eins og YouTube á íslenskum IP-tölum.
Eini marktæki samanburðurinn er að fara yfir eigin netnotkun. Snerpa sýnir notkun með daglegri sundurliðun, bæði erlenda og innlenda til notenda en þar sem engin mæling er í gangi frá notendum er ekki hægt að sýna hana. Á heimasíðu Snerpu, undir Þjónusta -> Internet er boðið upp á IP-uppflettingu þar sem fram kemur hvort tiltekinn staður t.d. youtube.com svarar á íslenskri eða erlendri IP-tölu. Ef IP-talan er íslensk er niðurhal frá henni ekki mælt.
Um sl. áramót lofuðum við hjá Snerpu að hækka ekki verð fyrir nettengingar og það loforð höfum við staðið við. Þó hefur aðfangakostnaður hækkað umtalsvert undanfarin tvö ár og Síminn hækkaði t.d. verð um 2-300 kr. á nettengingum hjá sér 1. júlí sl. Einnig hefur Míla hækkað verð á aðföngum í sumar og má því búast við því að um frekari hækkanir geti orðið að ræða. Við hjá Snerpu ætlum að sjá til og munum ekki hækka verðið, a.m.k. út þetta ár.
↧
Útskipting í Tæknigarði
Vegna útskiptingar á netskipti Snerpu í Tæknigarði má búast við truflun á innanlandssamböndum upp úr kl. 9:00 - Umferð fer um aðrar leiðir á meðan þannig að notendur ættu ekki að finna fyrir áhrifum.
↧
Uppfærsla búnaðar og vefþjóns
Vegna uppfærslu á vélbúnaði hjá Snerpu má búast við sambandstruflunum
yfir xDSL-sambönd (ADSL / /Ljósnet / Smartnet) miðvikudagsmorguninn 26. nóvember
á tímabilinu kl. 5:50 og 6:10.
Eftir útskiptingu á búnaði þarf endabúnaður notenda (router) að auðkenna sig á ný
og getur þurft að endurræsa hann ef hann fer ekki sjálfkrafa í auðkenningu.
Flestar útibúatengingar fyrirtækja og IPTV verða ekki fyrir áhrifum af þessu.
Á sama tíma er fyrirhugað að stækka minni í einum af vefþjónum Snerpu og munu
vefir á honum verða óvirkir á sama tíma. Þetta á við um þá vefi sem ekki nota
Snerpil vefkerfið og eru flestir á Wordpress vefumsjónarkerfinu.
Við biðjumst velvirðingar á þeim óþægindum sem þetta kann að valda.
Uppfærslu vegna xDSL sambanda var lokið kl 06:02
Uppfærslu á vefþjón lauk kl. 06:10 nema vefpósti Snerpu sem lauk kl. 06:40
↧
Rekstrartruflun í auðkenningarþjóni
Villa kom upp í auðkenningarþjóni fyrir xDSL-tengingar um kl. 1:20 og stóð yfir meira og minna þar til um kl. 02:22 á meðan verið var að komast fyrir hana. Auðkenningarþjónninn starfar nú eðlilega en mögulega þurfa einhverjir notendur að endurræsa endabúnað sinn á ný til að ná sambandi.
↧
↧
Vandamál í stofnsamböndum Mílu
02:05 Vandamál virðist vera í gangi með nafnaþjónustu vegna erlendra léna, verið er að skoða hvað veldur.
02:32 Sambandsleysi hefur verið í IP-neti Símans, þar sem samband við útlandagáttir fór niður. Varasamband var ekki virkt og því náðist ekki samband við rótarnafnaþjóna. Vandamálið virðist vera yfirstaðið.
02:40 Skýring á þessu mun vera að Míla er að vinna í burðarsamböndum á Vestfjörðum og lét einungis Símann vita. Sambönd eru á varaleið og á vinnu Mílu að vera lokið um kl. 3
Við þetta er að bæta að notendur sem tengdir eru um net Mílu (Ljósnet og ADSL) misstu allt samband meira og minna á tímabilinu af sömu ástæðum, þ.e. Míla tók sambönd niður á meðan á breytingum stóð.
03:06 Skv. upplýsingum frá Mílu er vinnu lokið en verið er að skoða ástæður þess að DSL-notendur á kerfum Mílu tengjast ekki inn. Einnig er útlandasamband óstöðugt.
03:14 Notendur á kerfum Mílu eru nú farnir að tínast inn en einungis hluti.
03:24 Eftir samtal við kerfisvöktun Símans er ljóst að sambönd hjá Mílu eru enn ekki komin í samt horf og verður fylgst með þessu þar til vinnu við það lýkur.
04:00 Enn eru einhver vandamál í gangi en fjöldi notenda á búnaði Mílu hefur þó verið að tengjast inn á síðustu mínutum.
04:30 Sambönd starfa eðlilega sl 15 mín. en beðið er staðfestingar frá Mílu um að truflanir séu yfirstaðnar.
04:56 Tilkynning var að berast um að vinnu Mílu sé lokið.
↧
Smartnet og útvarp niðri á Þingeyri
Rafmagnslaust er á Sandafelli og liggur því útvarp og Smartnet niðri. Viðgerð stendur yfir.
14:53 - Búið er að koma rafmagni á á Sandafelli, en sambönd virðast hafa skemmst í eldingaveðri. Unnið er að því að koma sambandi á í gegnum Flateyri/Ísafjörð.
11.12 kl. 18:17 Búið er að koma upp netsambandi, útvarps- og sjónvarpssendingum um örbylgju, en sjónvarp um Smartnet verður líkega ekki tengt fyrr en á morgun þar sem til þess þarf að koma upp nýju sambandi á Flateyri sem Míla hefur ekki getað afgreitt þar sem íhlutir í það eru enn í póstbíl á leið frá Reykjavík.
kl. 18:50 Viðgerð á sambandi um Sandafell er að fullu lokið og sjónvarp um Smartnet er komið í lag.
↧
Truflanir á Hólmavík
Truflanir eru á netsambandi á Hólmavík sem Míla telur stafa af vandamálum
í örbylgjusambandi á Ennishöfða (veðurtengt).
12.12 kl. 11:40 Skv. upplýsingum frá Mílu er búið að staðfesta að vandamálið er ekki af völdum ísingar en menn eru á leiðinni á Ennishöfða til að greina bilunina nánar.
↧
More Pages to Explore .....